PUNGUAN NI SI RAJA HUTAGALUNG
BORU DOHOT BERE
CIPUTAT – PAMULANG DAN SEKITARNYA
SUSUNAN PENGURUS :
Ketua : R. Hutagalung/br Simangunsong
Sekretaris : St. J. Silaban/br Hutagalung
Bendahara : Ny. J. Sinaga/br Hutagalung
BAB I
Pasal 1
Goar, Inganan dohot Tingkina
Goar Punguan on ima “Punguan Ni Si Raja Hutagalung Boru Dohot Bere ” Se – Ciputat, Pamulang dohot Nahumaliangna.
Maringanan di Ciputat, Pamulang dohot Nahumaliangna.
Tingkina, Leleng na dang terbatas.
Pasal 2
Azas, Sangkap dohot Tujuan
- Punguan on marazashon “Dalihan Na Tolu” dohot “Pancasila”
- Sangkap ni Punguan ima, mangeahi huhut pahothon hasadaan ni roha, rim ni tahi dibagasan holong dohot ria ni roha marsiurup-urupan di tonga-tonga ni sude.
- Tujuan ni Punguan on ima, Marsiurup-urupan jala Marsitatapan di angka ulaon Las ni Roha tarlumobi ma i di ulaon Arsak ni Roha. Pahothon huhut patotahon parsaoran paradaton na mardomu tu hadengganon nang hamajuon ni Punguan sinuaeng nang dohot tingki na naeng ro, huhut mangeahi partording ni paradaton na dumenggan di parsaoran dohot adat na asing dope, nang kebudayaan ni halak Batak se – Ciputat, Pamulang dohot Nahumaliangna secara khusus, jala halak Batak pada umum na.
Pasal 3
Siulaon dohot Rumangna
Marsiurup-urupan di angka ulaon las ni roha na hombar tusi, jala marsitungkol-tungkolan lumobi di ulaon Arsak ni roha.
Angka ulaon ni Punguan on dang adong hadomuanna tu Politik, alai tung Politik do songon ulaon Sosial manang kekeluargaan hombar tu adat Batak.
BAB II
HARUASON / ANGGOTA
Pasal 1
Ruas / Anggota
Ia ruas / anggota ni Punguan on, ima angka marga Hutagalung, Boru dohot Bere na Maringanan di Wilayah Ciputat, Pamulang dohot Nahumaliangna jala naung mandaftarhon dirina gabe anggota tu Pengurus Punguan.
Rade jala olo mangihuthon peraturan naung ditontuhon di Anggaran Dasar dohot Anggaran Rumah Tangga.
Pasal 2
Maradian sian Ruas / Anggota
Naung pinda inganan sian Wilayah Ciputat, Pamulang dohot Nahumaliangna.
Naung jumolo marujung ngoluna ( Monding)
Angka na mangundurhon diri ( na pinangido sandiri )
Angka na so mangihuthon peraturan manang Anggaran Dasar dohot Anggaran Rumah Tangga ni Punguan.
Pasal 3
Hak ni Ruas / Anggota
Marsaulihon pangurupion moral dohot material sian Punguan hombar tu tingki dohot pangalahona, jala hombar tu Anggaran Dasar dohot Anggaran Rumah Tangga.
Mamillit dohot dipillit na gabe Pengurus ni Punguan.
Mangalehon pingkiran dohot gogo, nang tugas laho pasauthon huhut patimbulhon sangkap ni Punguan.
Mangajuhon angka usulan usulan / ide, laho mambahen na dumenggan dohot hamajuon ni Punguan.
“Marsuara” sada ganup ruas / anggota.
Pasal 4
Kewajiban ni Ruas / Anggota
Mangaradoti angka aturan ni Punguan, jala mandalanhon angka Kewajiban nang tugas na tarsurat di Anggaran Dasar dohot Anggaran Rumah Tangga dohot angka haputusan naung tinontuhon ni Pengurus laho patimbulhon goar ni Punguan.
Patuduhon hatoguan haruason marhite na mangalehon tingki, gogo nang pamingkirion di angka haporluanta be.
Rade mangalehon uang pangkal dimulana masuk gabe ruas, dohot iuran siganup bulan.
Manopot ruas / anggota ni Punguan, tarlobi na dibagasan sitaonon manang na di bagasan arsak ni roha, jala mangkobasi angka siulaon disi.
Mangaramoti denggan ni goar dohot kelanjutan ni Punguan, jala marusaha laho pamajuhon Punguan.
Pasal 5
Naposobulung
Naposobulung ni Punguan ni Si Raja Hutagalung Boru dohot Bere, marpungu ma gabe sada ujung tombak generasi penerus Punguan.
Pengurus ni Naposobulung dipillit sian anggota ni Naposobulung i sandiri.
Penasehat ni Naposobulung, dipillit ma sahalak Ama / Ina sian ruas / anggota na tumua.
BAB III
HAPANGURUSON
Pasal 1
Susunan Pengurus
Susunan lengkap Pengurus ni Punguan songon on ma :
PENASEHAT / PANIROI
PENGURUS HARIAN :
Ketua Umum.
Wakil Ketua.
Sekretaris Umum.
Bendahara Umum.
Seksi-seksi.
Torop ni Pengurus dohot Susunan organisasi hombar tu haporluan dohot tingkina.
Pasal 2
Nagabe Pangurus
Pangurus dipillit sian ruas ni Punguan, jala ditolopi rapot godang ni punguan, sahali dibagasan 4 ( opat ) taon.
Paniroi / Penasehat, aktif sebagai penasehat mangurupi pangurus.
Pasal 3
Parrapoton
Ragam ni Rapot sipatupaon ima :
Rapot bolon ima Rapot Pangurus dohot sude ruas / anggota ni punguan, dipatupa sahali dibagasan 1 ( sada ) taon.
Rapot Pangurus dipatupa sahali dibagasan 6 ( onom ) bulan.
Rapot luar biasa, dipatupa marguru tu haporluan.
BAB IV
PARHEPENGON / PARARTAON
Pasal 1
Parhepengon
Parhepengon ni punguan, marharoroan marhite :
Panjaloon na maraturan ima :
Hepeng / Uang Pangkal dohot iuran.
Balga / godang ni hepeng / uang pangkal dohot iuran ditetaphon dibagasan sahali opat taon, jala ditolopi di Rapot bolon.
Panjaloon naso maraturan ima :
Tumpak, silehon-lehon, sumbangan sukarela, donatur sian anggota ni Punguan manang sian halak na asing.
Sian angka usaha na asing naso maralo tu Anggaran Dasar dohot Anggaran Rumah Tangga ni Punguan.
BAB V
PARMUBAAN DOHOT PAMBUBARAN
Pasal 1
Parmubaan
Boi do muba Anggaran Dasar on marhite haputusan ni rapot bolon
Angka na ringkot laho pasadahon tu hasadaan ni Punguan on naso singkop dope diatur di Anggaran Dasar on, marwenang do Pangurus ni Punguan laho manontuhon dohot mamutushonsa.
Pasal 2
Pambubaran
Na boi do bubar manang muntok-muntok Punguan Ni Si Raja Hutagalung Boru dohot Bere Se-Ciputat, Pamulang dohot na humaliangna, marhite panolopion / haputusan ni rapot bolon manang rapot luar biasa.
Parhepengon / parartaon ni Punguan na adong di tingki pambubaran i, situmpakhononton ma i tu sada Punguan Ni Si Raja Hutagalung Boru dohot Bere Se-Jabodetabek, jala tinolopan ni rapot bolon / rapot luar biasa.
BAB VI
PENUTUP
Ciputat, Pamulang dohot Nahumaliangna
November 2006
Atas Goar ni sude Pangurus
Punguan Ni Si Raja Hutagalung Boru dohot Bere
Angka na so singkop / hantus dope ditota / diatur dibagasan Anggaran Dasar on, sipahantuson / silengkapon mai muse dibagasan Anggaran Rumah Tangga.
Anggaran Dasar on marlaku mulai bulan Januari November 2006, jala diresmihon di rapot bolon.
ANGGARAN RUMAH TANGGA
BAB I
PUNGUAN
Pasal 1
Tanggungan Ni Punguan
Na masuk gabe tanggungan ni Punguan ima anggota Keluarga / Keluarga inti, dohot natoras / natua-tua manang simatua ni anggota na rap maringanan / tinggal dohot anggota.
Dang gabe tanggungan ni Punguan be anak / boru ni anggota naung gabe hot ripe / marhasohotan, alai gabe sada anggota na imbaru ma nasida / terdaftar.
Pasal 2
Ulaon ni Punguan
Punguan / Pangurus martanggung jawab tu bagasan dohot tu luar Punguan.
Pangurus mewakili laho maniroi / manghobasi angka anggota hombar tu haporluanna be.
Pangurus parentahon angka ulaon ni Punguan.
Pangurus patomu-tomuhon Punguan asa mardalan dohot denggan jala ture.
Pasal 3
Kewajiban ni Punguan
Pangurus rap dohot anggota molo ro gokhon dohot jou-jou sian anggota, pangolihon anak / pamulihon boru, ro laho mangadopi ulaon i, jala pasahaton ni Pangurus do adat na hombar tusi.
Anak mangoli / boru muli, dang mardalan adat na gok, jala ro do undangan resepsi tu Pangurus / anggota, ro laho mangadopi undangan i, jala pasahaton ni Pangurus Tumpak / Kado.
Pangurus / Anggota molo adong ulaon Arsak ni Roha, dohot do Pangurus / anggota laho manganggapi dohot manghobasi angka na porlu namarsitaonon i, dohot mambahen Teken List ilu manetek sian anggota, dohot mangalehon hata togar-togar.
Molo na monding natoras / natua-tua /simatua ni anggota, di luar wilayah ni Punguan ( di sekitar jabodetabek ), ro ma Punguan, Pangurus, manang anggota laho maningkir.
Molo adong anggota ni Punguanta na marianakhon, na marhaha-maranggi, na mariboto dohot na marpariban diantara ruas ni Punguan i, molo masa songon na masa na pinatorang di ginjang (pasal 3), sahali do mardalan kewajiban ni Punguan, ima na manise dohot mangalehon pangurupion sian Punguan.
Mangalehon pangurupion berupa materi / hepeng.
Molo adong na marsahit sian anggota, jala di opname di Rumah Sakit, dirawat di pengobatan alternatif, dohot namarsahit dijabu minimal dibagasan 3 ari jala dipabotohon / parbinoto Pengurus, Pengurus / Anggota ro do mandulo / bezook jala pasahaton ni Punguan do hata penghiburan dohot mangalehon bantuan berupa materi / hepeng.
Molo adong namasa di anggota, berupa bencana alam (hasurbuan/kebakaran, kebanjiran dohot bencana na asing) kewajiban ni Punguan berupa pangurupion boi ma menurut kebijaksanaan ni Punguan / Pengurus
BAB II
RUAS DAN ANGGOTA
Pasal 1
Ruhut Ruhut Ruas
Angka Pomparan Si Raja Hutagalung, Boru dohot Bere naung hot ripe, na maringanan di wilayah Ciputat, Pamulang dohot humaliangna.
Pasal 2
Maradian sian Ruas ni Punguan
Na pindah inganan sian wilayah Ciputat, Pamulang dohot na humaliangna jala parbinoto Pangurus.
Angka na so mangihuthin paraturan manang Anggaran Dasar dohot Anggaran Rumah Tangga ni Punguan lelengna 3 (tolu) bulan berturut turut, jala dang adong boa boa tu Punguan. Sude na tarsurat di peraturan ni Punguan (AD & ART) ndang berlaku be di nasida.
Pasal 3
Kewajiban ni Ruas
Pasidohot di Punguan 2 (dua) bulan sahali, marpungu marsada ni roha, na pinatupa di bagas ni Anggota, jala las disi do dipatupa Partangiangan dohot Arisan
Rade laho paboahon / pasahathon tu Pangurus molo tung adong angka namasa di Anggota ni Punguan. Rade mangalehon uang Pangkal dimulana masuk gabe Anggota, godangna Rp. 10,000 (sappulu Ribu Rupiah)
Rade mangalehon iuran bulanan, godangna Rp. 5,000 (lima ribu rupiah) setiap bulan.
Rade mangalehon angka pangurupion/sumbangan na asing manang take ang list naung tinontuhon jala ditolopi pangurus.
Pasal 4
Hak ni Ruas / Anggota
Ulaon las ni roha, Pangolihon Anak/Pamuli Boru sian anggota dibagasan adat na gok jala ro gokhon dohot jou-jou tu anggota dohot tu pangurus, anggota/pangurus ro laho mangadopi ulaon i, jala pasahaton ni pangurus do tumpak/ulos ragi hotang seharga Rp. 100,000 (saratus ribu rupiah).
Anak mangoli/Boru muli ianakhon ni anggota alai alai ndang dibagasan adat na gok, ro undangan resepsi tu anggota dogot pangurus, anggota/pangurus ro laho mangadopi ulaon i, jala pasahaton do tusi kado seharga pardosdosan ni ulos ragi hotang.
Ulaon Habot ni roha, Arsak ni roha/Monding, sian anggota mandapot pangurupion sian anggota take and list, sian pangurus berupa bantuan materi/hepeng, godangna Rp. 150,000 (saratus lima pulu ribu rupiah).
Molo monding natoras, natuatua/simatua ni anggota, na berdomisili di Jabodetabek, anggota secara spontan nataronjar ni roha (suka rela) take and list, pangurus mangalehon pangurupion berupa hepeng, godangna Rp. 200,000 (dua ratus ribu rupiah)
Natoras, natuatua/simatua ni anggota, monding diluar Jabodetabek/Bona Pasogit, pangurupion berupa bantuan materi/hepeng, sian anggota take and list nataronjar ni roha (suka rela), pangurupion sian pangurus berupa bantuan materi/hepeng, godangna Rp. 150,000 (saratus lima pulu ribu rupiah)
Namarsahit, namarsahit anggota (na ditanggung anggota) jala opname di Rumah Sakit / Pengobatan Alternatif lobi sian 3(tolu) ari, pangurupion sian Punguan / Pangurus, berupa materi / hepeng Rp. 50,000 (lima pulu ribu rupiah).
Na marsahit anggota (na ditanggung anggota), opname di jabu alani keadaan ekonomi / kondisi keuangan dang mengizinkan opname di Rumah Sakit / Pengobatan Alternatif, lobi sian 3 (tolu) ari, pangurupion sian Punguan / Pangurus berupa materi / hepeng godangna Rp. 50,000 (lima puluh ribu rupiah)
Ina na melahirkan dibagasan operasi Cesar, jala di opname di Rumah Sakit / Bersalin lobi sian 3 (tolu) ari, pangurupion sian Punguan / Pangurus, godangna Rp. 50,000 (lima puluh ribu rupiah)
Angka pangurupion songon naung pinajojor diginjang (poin 6, 7 dohot 8), mardalan / berlaku maksimal 2 (dua) hali dibagasan 1 (sada) taon.
Pasal 5
Parrapoton
Angka rapot sipamasaon ima, Rapot Godang / Bolon (Paripurna) sude Pangurus dohot anggota dipatupa sahali dibagasan 2 (dua) taon.
Rapot Pangurus lengkap sahali dibagasan sataon.
Rapot Luar Biasa, rapot na pinangido anggota, jala mangida tu haporluan.
Rapot naung sah molo na ro mangadopi rapot i satonga ni na ginokhon ditamba sahalak nai.
Keputusan rapot ni Pangurus, dinyatahon sah, dang boi be di ganggu gugat.
Pasal 6
Partording ni na gabe Pangurus
Umum :
Pangurus dipillit sian anggota, ima ama / ina anggota na adong di Ciputat, manang di Pamulang dohot na humaliangna, jala rade menjadi Pangurus.
Pangurus dipillit anggota dibagasan 4 taon sahali jala ditolopi rapot godang / bolon ni Punguan.
Pangurus na lam boi do dipillit muse, maksimal 2 (dua) periode berturut turut.
Maradian / Mansohot sian hapanguruson di naso tingki na dope, ima siala na monding dohot na pindah sian wilayah ni Punguan.
Paniroi / Panasehat :
Dipillit ma sian ama / ina na tumua / natinuahon, manang naung hea manguluhon Punguan on di tingki naung salpu (mantan Ketua) minimal dibagasan saperiode.
Ketua :
Dipillit ma sian ama jala na ringgas / aktif laho mangalehon roha, pingkiran nang gogo na tu Punguan.
Dipillit ma sian angka calon Ketua sian anggota, jala di tetapkan berdasarkan pilihan suara terbanyak.
Wakil Ketua, Sekretaris, Bendahara, dohot angka seksi seksi : dipillit ma sian ama / ina, dipillit langsung oleh Ketua setelah Ketua tarpillit.
Pasal 7
Tugas ni Pangurus
Paniroi / Panasehat :
Mangalehon angka nasehat tu angka pangurus dohot maniroi jala mangalehon poda tu angka anggota.
Parsidohot tu rapot ni pangurus dohot rapot bolon.
Formatur di tingki pamilliton ni pangurus na imbaru.
Atas goar ni punguan mangaresmihon pangurus na imbaru.
Ketua :
Manguluhon punguan jala martanggung jawab tu bagas nang tu luar punguan.
Martanggung jawab di angka kegiatan haruason, baik mengenai kesekretarison dohot Parhepengon ni Punguan.
Manunjuk / mamillit anggota laho mangganti Pangurus na berhalangan / maradian (monding, na pindah)
Manguluhon angka rapot rapot ni Punguan dohot mambahen kesimpulan / keputusan molo so adong hasil di tingki rapot.
Wakil Ketua :
Mangurupi angka ulaon ni Ketua secara umum.
Mewakili Ketua molo berhalangan, jala martanggung jawab tu Ketua.
Sekretaris :
Mangurus jala martanggung jawab mengenai angka administrasi ni Punguan.
Gabe Notulis di angka parrapoton, baik rapot Punguan nang rapot Pangurus.
Mambahen angka laporan kegiatan ni Punguan, baik laporan tahunan dohot laporan periode kepengurusan.
Mambahen angka undangan tu anggota nang tu Pangurus.
Bandahara :
Mangurus jala martanggung jawab mengenai Parhepengon.
Mambahen rencana anggaran pengeluaran dohot pemasukan.
Papungu jala manimpan angka hepeng (uang pangkal, uang iuran bulanan dohot angka sumbangan) sian anggota.
Mambahen / manusun Neraca Parhepengon siganup taon, jala martanggung jawab tu hepeng na masuk dohot na kaluar.
Pasal 8
Parhepengon
Hepeng na masuk :
Panjaloon na maraturan : Kewajiban ni anggota
Marharoroan sian anggota songon naung tarsurat di Anggaran Dasar.
Godang ni uang pangkal dohot iuran / guguan di tontuhon hombar tu tingki dohot arga ni hepeng.
Panjaloon Nasomaraturan :
Marharoroan sian anggota manang sian halak na asing.
Angka sumbangan suka rela, dinatur, sesuai tu haporluan, na nitolopan ni Pangurus.
Angka usaha na asing dope, naso maralo tu paratura ni Punguan.
Pasal 9
Hepeng na haruar
Pangurupion tu anggota na marsitaonon siala monding :
Kepala Keluarga Ama, Ina, Ianakhon ni Anggota :
Pangurupion berupa hepeng godangna Rp. 200, 000 (dua ratus ribu rupiah), dohot wajib take and list nataronjar Minimal Rp. 50, 000 (Lima Puluh Ribu Rupiah), roha /suka rela sian sude anggota.
Manise /mamangkulingi, biaya laho masi lampet, godangna Rp. 150, 000 (seratus lima puluh ribu rupiah).
Natua tua /Simatua ni anggota monding di wilayah Jabodetabek godangna Rp. 150, 000 (Seratus Lima Puluh Ribu Rupiah), dohot take and list secara spontan na taronjar ni roha /suka rela di inganan na marsitaonon.
Manise /mamangkulingi, biaya laho masi lampet, godangna Rp. 50, 000 (lima puluh ribu rupiah).
Pangurupion tu anggota na marsitaonon, siala na marsahit, jala opname di Rumah Sakit / Pengobatan Alternatif, lobi sian 3 (tolu) ari, ama /ina, ianakhon, natoras /natua tua na nitanggung ni anggota pangurupion godangna Rp. 50,000 (lima puluh ribu rupiah).
Molo marsahit ama, ina, ianakhon, dohot natoras /natua tua /simatua na nitanggung anggota $opname di jabu ala ni keadaan ekonomi /keuangan), Pangurus mambahen kebijaksanaan na suman, na hombar tusi, berupa bantuan hepeng godangna Rp. 150,000 (seratus lima puluh ribu rupiah).
Biaya kegiatan rapot :
Rapot Bolon godangna Rp. 100, 000 (Seratus Ribu Rupiah)
Rapot Pangurus godangna Rp. 50, 000 (Lima Puluh Ribu Rupiah)
Pasta Partangiangan /bona taon godangna Rp. 500, 000 (Lima Ratus Ribu Rupiah).
Molo adong natua tua monding di bona pasogit wajib do tiap anggota punguan take and list Rp. 50, 000 (Lima Puluh Ribu Rupiah)
Biaya Transportasi :
Tu na mangadopi pesta paradaton /resepsi, maningkir na monding dohot bezook tu Rumah Sakit godangna Rp. 50, 000 (Lima Puluh Ribu Rupiah)
Tu Pelayan Firman Tuhan /Pangula ni Huria tu Partangiangan Bona Taon Rp. 300, 000 (Tolu Ratus Ribu Rupiah).
Pasal 10
Parmubaan dohot Panambai
Boi do muba paraturan ART on marhite haputusan ni rapot bolon manang rapot luar biasa.
Angka na mengalami hamubaan, dipatupa ma i dibagasan sada pamikkirion jala dibaen ma i gabe sada bagian ni angka paraturan i naso tarsirang sian paraturan naung adong.
Angka na hurang hantus dibagasan ART on, sipahantuson ma i dibagasan rapot Pangurus lengkap.
Hombar tu ulaon sosial na so adong di ART on, pangurus ma mambahen kebijaksanaan.
Pasal 11
Penutupan
Anggaran Rumah Tangga on mulai marlaku bulan Januari 2007.
Jadi sude hita anggota ni Punguan Si Raja Hutagalung Boru dohot Bere na adong di wilayah Se -Ciputat, Pamulang dohot Nahumaliangna, asa :
Satahi saoloan hita du ulaon Las ni roha, nang di ulaon Arsak ni roha pe.
Marsada hita laho mangulahon Anggaran Dasar dohot Anggaran Rumah Tangga ni Punguanta on.
PENUTUP
Punguan Si Raja Hutagalung Boru Dohot Bere 